Posts

أخر فرصة

Image
عادة مبحبش كلمة النهاية تكون عندي , بحب دايما اكون بجرب و بحاول لأخر لحظة عشان مرجعش للخطوة دي تاني. كان بقالي كتير مكتبتش اي حاجة هنا , و مكنتش ببعت اللي بكتبة ده لحد  كل ما كنت بفكر ادخل اكلم ناس قلت مش هكلمهم تاني , ادخل اكتب هنا , عشان افضي دماغي و معملش خطوة غلط. لحد امبارح , جربت اكلم و كالعادة مفيش رد , ف خلاص بقي كانت اخر فرصة بالنسبالي و مش عايزة ارجع تاني فيها. زهقت من محاولاتي عشان مكتبش كلمة النهاية , بس خلاص بقي كانت اخر فرصة و انتهت يعني , اتمني مرجعش ف كلامي ده   

بفكر نفسي

Image
 العلاقة اللي ما قصرتش فيها أوعى تزعل عليها، سواء كانت علاقة عاطفية أو صداقة أو أيًا كان مُسماها،  وطلاما شايف إنك عملت اللي عليك يبقى خلاص الشئ ده مش من نصيبك ومش خير ليك،ف مش صح انك تفضل تفرك و تحرق بنزين علي الفاضي .  الحاجة الوحيدة اللي ممكن تزعل عليها هي مجهودك اللي بذلته، مشاعرك اللي استهلكتها، أيامك اللي ضاعت و اهم حاجة انك دايما تبقي عامل اللي عليك و زيادة ، متجيش علي نفسك عشان محدش هيندم ف الاخر غيرك. ،#منقول_بتصرف

Just Saying !!!

Image
We no longer go for looks. We go for maturity, stability, loyalty, and peace.

مثلًا !

Image
صعب اوي يبقى عندك بني ادم بزرار تجيبة وقت مانت عايز و تسيبة وقت مانت عايز يعني متاخدوش حد for granted و تضمنوا وجود الناس ف تبهدلوهم معاكم 

فضفضه فارغه شويه

Image
حاجة مستفزة فعلًا لما شخص مثلًا شاف كتير ف حياته و تضرر من مواقف ناس مكانوش الطف حاجه ، ف يبدأ يعامل كل الناس بعد كده وحش عشان مش عايز يتوجع تاني. انا متفهمه جدًا و مقدرة حجم المعاناة ، بس ده لا يمنع الشعور بالظلم شويه انك تبقي بتتحاسب علي تصرفات ناس تانيه انت ملكش علاقه بيهم أصلًا. جميل ان الانسان يتعلم و يبدأ ياخد حذره ، بس اهم حاجة انه يحافظ علي نفسه و ميبقاش نسخه من الناس اللي بوظوله حياته.

أحلامي بسيطه و الله :/

Image
 ليه حد يدي نفسه الحق يقرر لشخص تاني اي حاجة ، المفروض اننا كبار كفايه عشان نشوف و نحدد ايه المناسب لينا. ديكتاتورية القرارات و انك عايز اللي قدامك يرضخ و خلاص دي عمرها ما بتبني حياة ، بالعكس دي بتهد اكتر ما بتبني! الواحد طلباته ابسط من البساطه ، عايز يعيش رايق و بس . من غير قصص ولا اي حوارات ، اشتغل و اعيش حياتي و خلاص ، حياة بسيطه من غير معاناة لو امكن 🫤

مش كفايه يا ولاد ؟

Image
ماحنا طول ما الناس بتاخدنا فور جرانتد و عارفين ان مهما زفتوا الدنيا و قرفونا مش هنسيبهم ، هيفضلوا يقرفوا فينا اكتر. يعني لمجرد انك بجد بتعز حد و عارف و متأكد انه انسان كويس و ان دي مجرد فتره ، ف تفضل مستحمل ف الناس تسوق فيها و تزودها  و تضغط علي عروقك يعني ، ف اما تمشي محدش هيقولك انت مشيت ليه. ده المستفز اكتر انهم لو فكرت تعاتب الاجابه هتبقي محدش طلب منك تستحمل ! الموضوع بجد سخيف و مستفز و حرام يعني 🤦🏽‍♀️🤦🏽‍♀️🤦🏽‍♀️