Just Wanna Say It !!!

 من أحد عيوبي الجسيمة إنى معنديش صبر ،  ريتمي سريع أوي .. ومش بستحمل البطئ في أي حاجة .. في القرار ، في الاختيار ، في الأكشن ، في الإصلاح ، حتى في المشي .. الناس البطيئة بتوترني وأسوأ فترات ممكن تعدي عليا في حياتي هي الفترات اللي ببقى مش عارف فيها راسي من رجلي ! مش بعرف استحمل الفايلات المفتوحة في الحياة ! اللون الرمادي والانتظار وعدم الوضوح بيقتلني بحب اعرف الحقيقة حتى لو سودا بس اعرفها ! مش بحب التكهنات والتخمين ولا الناس اللى بتحطني في خانة الـ guessing مبحبش الانتظار بجميع أشكاله وأنواعه وبتلاقيني رفعت شعار " اقطع عرق وسيّح دم " حتى لو هقطع عرقي أنا شخصياً ، بس نجيب آخر الموضوع !  ممكن استحملك لآخر العمر طول ما انت واضح ، أول ما تبدأ تلخبطني مبقدرش ! ببعد حتى لو روحي فيك ! مبقدرش استحمل المجهود النفسي والذهني اللي ببذله علشان افهم شخص مش واضح ! معنديش صبر فعلاً !  أنا عارف ان الحياة مش يا أبيض يا أسود وإن الإنسان محتاج يبقى خُلقه واسع شوية ، بس أنا حاولت والله على مدار سنين اتكيّف مع الشخصيات أو الظروف أو الكلام الرمادي ، معرفتش ! مش بقدر والله فعلاً ! #مايكل_نزي...

 في حاجات كتير شكلها خلص من برّه، بس جوانا لسه ما خلصتش فعلًا. مشاكل عدّت، بس لسه سايبة أثرها فينا. ساعات بنحس بضيق وخنقة من غير سبب واضح، والسبب الحقيقي إن جوا كل واحد فينا بقايا حاجات وجعته قبل كده.. زعل، إحساس بالظلم، أسئلة من غير إجابة، تراكمات قديمة. بنفتكر إننا عدّيناها، بس الحقيقة إنها لسه جوا القلب، ومن وقت للتاني بتطلع تاني وتبوّظ مزاجنا من غير ما نحس. #ياسر_عباس

 عندي دايمًا concept عن شكل العلاقة اللي حابة أكون فيها إنها تكون قوية، مش عايزة الحب الجامح ولهفة غير مبررة واستعراض مبالغ فيه لأشكال الحب، أنا عايزة علاقة قوية وهادية، تحصل مشاكل ونعرف نعملها skip، نعرف نواجه غلاسة الناس وزحمة الشوارع وأصوات البشر وتُقل الشغل  يجيلي مهدود وأصلبله ضهره أروحله خايفة يُردني مطمنة  أصوات عقله تعلو أسكتهاله  كلام الناس يأذيني يمسح عني الأذى أنا ببقى مطمنة لما أكون مع شخص قوي، قادر يحل مشكلة، يواجه كلام، يسمع بتركيز، يسعى لحلم، يخلق دُنيا. - أميمة عبد الله

 صعبان عليا نفسي أوي لما كل مرة أعمل my best عشان أنجح في أي علاقة، سواء friendship أو relationship، وفي الآخر ألاقي نفسي بسأل: "why does this always happen to me?" يعني هو أنا مش مستاهل إن حد يعمل even a small effort عشان يخليني part of his life؟ #cpd #justSaying 

 ‏كان في حاجات كتير في حياتي كنت أستحق تكون نهايتها سعيدة، حاجات تعبت فيها وكنت مبسوطة، وكل حاجة كانت ماشية تمام لحد آخر لحظة، بعدها النهاية تصدمني..   ‏النهايات مُرهقة فعلًا، ومش قادرة أتجاوز خوفي الأكبر: إن أي حاجة مهما كانت جميلة، ممكن فجأة تخلص بأسوأ نهاية عمري ما توقعتها.")) #Copied #TrueStory 

  دايما ببقى عارفة ان نهايات الحاجات اللي بحبها قريبة جدا , لأ مش بس كدة دة انا ممكن استعجل النهاية دي من باب وقوع البلاء ولا انتظاره و عليه ف بيبقي تقبلي للنهاية دي عادي مفيهوش تأثير كبير عشان بكون مجهزة نفسي ليها اصلا يعني

عادة مبحبش كلمة النهاية تكون عندي , بحب دايما اكون بجرب و بحاول لأخر لحظة عشان مرجعش للخطوة دي تاني. كان بقالي كتير مكتبتش اي حاجة هنا , و مكنتش ببعت اللي بكتبة ده لحد  كل ما كنت بفكر ادخل اكلم ناس قلت مش هكلمهم تاني , ادخل اكتب هنا , عشان افضي دماغي و معملش خطوة غلط. لحد امبارح , جربت اكلم و كالعادة مفيش رد , ف خلاص بقي كانت اخر فرصة بالنسبالي و مش عايزة ارجع تاني فيها. زهقت من محاولاتي عشان مكتبش كلمة النهاية , بس خلاص بقي كانت اخر فرصة و انتهت يعني , اتمني مرجعش ف كلامي ده   

 العلاقة اللي ما قصرتش فيها أوعى تزعل عليها، سواء كانت علاقة عاطفية أو صداقة أو أيًا كان مُسماها،  وطلاما شايف إنك عملت اللي عليك يبقى خلاص الشئ ده مش من نصيبك ومش خير ليك،ف مش صح انك تفضل تفرك و تحرق بنزين علي الفاضي .  الحاجة الوحيدة اللي ممكن تزعل عليها هي مجهودك اللي بذلته، مشاعرك اللي استهلكتها، أيامك اللي ضاعت و اهم حاجة انك دايما تبقي عامل اللي عليك و زيادة ، متجيش علي نفسك عشان محدش هيندم ف الاخر غيرك. ،#منقول_بتصرف

We no longer go for looks. We go for maturity, stability, loyalty, and peace.

صعب اوي يبقى عندك بني ادم بزرار تجيبة وقت مانت عايز و تسيبة وقت مانت عايز يعني متاخدوش حد for granted و تضمنوا وجود الناس ف تبهدلوهم معاكم 

حاجة مستفزة فعلًا لما شخص مثلًا شاف كتير ف حياته و تضرر من مواقف ناس مكانوش الطف حاجه ، ف يبدأ يعامل كل الناس بعد كده وحش عشان مش عايز يتوجع تاني. انا متفهمه جدًا و مقدرة حجم المعاناة ، بس ده لا يمنع الشعور بالظلم شويه انك تبقي بتتحاسب علي تصرفات ناس تانيه انت ملكش علاقه بيهم أصلًا. جميل ان الانسان يتعلم و يبدأ ياخد حذره ، بس اهم حاجة انه يحافظ علي نفسه و ميبقاش نسخه من الناس اللي بوظوله حياته.

 ليه حد يدي نفسه الحق يقرر لشخص تاني اي حاجة ، المفروض اننا كبار كفايه عشان نشوف و نحدد ايه المناسب لينا. ديكتاتورية القرارات و انك عايز اللي قدامك يرضخ و خلاص دي عمرها ما بتبني حياة ، بالعكس دي بتهد اكتر ما بتبني! الواحد طلباته ابسط من البساطه ، عايز يعيش رايق و بس . من غير قصص ولا اي حوارات ، اشتغل و اعيش حياتي و خلاص ، حياة بسيطه من غير معاناة لو امكن 🫤

ماحنا طول ما الناس بتاخدنا فور جرانتد و عارفين ان مهما زفتوا الدنيا و قرفونا مش هنسيبهم ، هيفضلوا يقرفوا فينا اكتر. يعني لمجرد انك بجد بتعز حد و عارف و متأكد انه انسان كويس و ان دي مجرد فتره ، ف تفضل مستحمل ف الناس تسوق فيها و تزودها  و تضغط علي عروقك يعني ، ف اما تمشي محدش هيقولك انت مشيت ليه. ده المستفز اكتر انهم لو فكرت تعاتب الاجابه هتبقي محدش طلب منك تستحمل ! الموضوع بجد سخيف و مستفز و حرام يعني 🤦🏽‍♀️🤦🏽‍♀️🤦🏽‍♀️

 من كام يوم كده شوفت مسلسل ريفو  المسلسل بطولة جماعيه: ركين سعد و امير عيد و تامر هشام و صدقي صخر  المسلسل بيحكي قصة باند كان مشهور ف التسعينات و بيعرض كده اللي الشباب دول عملوه عشان يقدروا يوصلوا و في النص كده بيتسرسب جواك حنين للفترة دي و تحس انك جزء من الشلة دي. بتشوف قصة مروان و انه شخص انطوائي اول مره يحس انه جزء من حاجه و اما اللي بيربط الشلة دي بيروح ، قد ايه بيكون تأثيره كبير و الشلة بتدمر و كل واحد بيروح في حته. يمكن اتأثرت كمان بحدوته شادي او امير عيد و قد ايه كان نفسه يعمل حاجة و يغير ف المزيكا و تجميعته للشباب و تأثيره عليهم و حدوته مامته و انها مش فاكراه و كويس انهم متكلموش كتير فيها للتشابه مع قصة امير الحقيقة. المسلسل بجد حلو اوي و اثر فيا جدًا ، ده رجعني اكتب بعد سنين ضوئيه تفاهاتي يعني 😅

  عمرنا ما هنرجع زي زمان ... قد ايه كان عبقري تامر حسين و هو بيعبر عن الفكرة دي ، عشان فعلاً بعد كذا مشكلة فى علاقة سواء صحاب بقي او اي مسمى تاني ،  عمر ما الناس بتعرف ترجع زي الاول ، كل مشكلة بتحصل بتبين اختلاف بين الاشخاص هيبقي قدامهم حل من اتنين ، هنعمل هبل عشان  منخسرش بعض ، بس مع اي لقطة تانية بيبدأ يتكسر و يقل انبهارنا بيهم و تمسكنا بالعلاقة دي لحد ما النهاية بتنزل او بيبقي في اتفاق محدش بيحكي فيه ان عمرنا ما هنرجع زي زمان ، بس عشان مش عايزين نخسر بعض بيبقي اكننا بنتعرف ع بعض من  جديد و بتكمل يعني ... 

في حقيقة الأمر يعني , و بعد كام سنة الواحد عايش فيهم و مع الوضع الحالي , اكتشفت ان فعلا محدش هياخد باله مني غير نفسي و  أمي و شكرا ع كده . و ده مش ذم ف حد بس فعلا الحياة بقت صعبة علينا كلنا و بقينا كلنا بنلف ف ساقية الحياة و بقينا قصص حزينة فشخ ع رأي حافظ ربنا يرحمه , و القصص الحزينة دي مش سببها حاجة غير الضغوط و الحوارات اللي غصب عننا لازم نتعامل معاها يوميا. الضغوط دي ممكن يكون ليها أسباب كتيرة بس ممكن تخلي حد ممكن يكون قدرتة ع المواجهة ضعيفة شوية يفكر يخلص من حياته عشان يرتاح من ال overthinking اللي مش عايز يسيبه ف حالة. و الضغوط دي بردة ممكن يكون سببها صحابك اللي مش قادرين يفهموا حالتك النفسية ولا قادرين يكونوا ع قدر من الصراحة معاك ف اي موضوع تاخد رأيهم فيه , يعني وجودهم زي عدمه للأسف ! الضغوط دي سببها انك انت شخصيا مش قادر تفهم نفسك ولا عارف تحدد انت عايز تعمل ايه , او عايز تعيش حياتك ازاي , مشاكلك مبتتحلش مع كل النشاطات اللي بتعملها , دايما حاسس انك غريب وسط اي مجموعة تبقي قاعد معاها... الضغوط دي سببها ان مرتبك مش بيكفيك , و ان عندك التزامات اكبر من...

مبفهمش الناس اللي بتكدب و تحور عشان حاجات مش مهمة،  فلوس زيادة ولا خايفة من العقاب،  تحوير بس،  اللي هو ماتيجي دوغري يا حبيبي و سيب مغامرة التحوير دي لحد فاضيلك، بدل ما انت بتقل من نفسك و شكلك بيبقي وحش.. لا و الابشع منهم الشخصيات التافهة اللي بتسيب مواضيع مهمة و تمسك ف تفاهات،  مع الوضع ف الاعتبار اختلاف الاولويات من شخص للتاني بس بيبقي ف حاجات كدة مفيهاش هزار...

#أريد_رجلاً بعد متابعة 60 حلقة و كنت بشوف بال 5 حلقات ف اليوم عشان انجز،  وصلت لفكرة كدة هنجيلها اكيد. أمينة: البنت الدلوعة وحيدة بابا و ماما اللي دايماً اللي عايزاة بتعمله،  شخصيتها قوية و واثقة ف نفسها جداً  سليم: شخصيتة قوية و راجل بمعني الكلمة اللي نقدر نقول مبقاش موجود زية دلوقتي،  الشخصية اللي بتحسس اللي قدامها بالامان و دايماً واخد باله من كل اللي حواليه حتى لو ع حساب نفسه. بدون الدخول ف التفاصيل،  أمينة بتحب سليم اوي و نفسها تفرحه ف شافت مامته هتموت ع ولد بمفهوم اهل الصعيد الضهر و السند ف خلفت مرتين و جابت بنتين و لسبب مرضي مش هتقدر تخلف تاني قبل 5 سنين، يظهر ف الكادر ام سليم الست يامنة اللي مستعجلة ع الوتد و الضهر و السند ف تبدأ ف مسلسل الزن ع ولدها سليم عشان يتجوز ع أمينة و بتقع و سليم ف الاخر يسمع كلام امه عشان خايف عليها، تمر الأيام و تعرف أمينة ان سليم اتجوز عليها بتقلب عليه الدنيا و هنا بقي تيجي اكتر مسلسل خلاني مش عارفة اكون ف صف مين !!! الأستاذة أمينة حبت تنتقم راحت مقطعة لبسها كله بالمقص و اتهبلت شويتين كده و قالت هرفع قضية ط...

  مشكلة كبيرة ان الواحد اما بيغطس ف حاجة كدة بيبقي مش شايف نفسة ف اي حاجة تاني غيرها ... اللي هو حبس نفسه جوة bubble و مش عارف يخرج منها و ف وسط ما هو بيلف ف مكانه يجي حد ابن حلال كدة يفرقع ال bubble دي ف تفضب تجري ف الفضاء السرمدي لحد ما تقع ع جدور رقبتك و تكسر ... ما هو الفكرة ان العلامات كتير بتجيلك و انت جواها بس انت مبتبقاش عايز تخرج اللي هو بقت هيا ال comfort zone بالنسبالك و مش عايز تخرج منها مع ان المفروض الواحد ميسكتش ع انه يتحشر ف اي comfort zone الا لو كانت صحابة و مالهاش ادني علاقة بمستقبلة .. امتي هيجي الوقت اللي اخرج فيه من ال comfort zone بتاعتي مش عارفة بس كويس اني ابتديت اركز انا فين بالظبط .... و احب اشكر وائل الفخراني ع الفيديو دة :) The Discomfort of Our Comfort Zone

عودت نفسي عشان اعرف اطلب حقي ونا واثقة جداا و بكلم بقلب جامد اني لازم اكون عاملة اكتر من المطلوب مني عشان يبقي ليا حق اني اطلب انما دلوقتي بنلاقي ناس مش عاملة ربع اللي عليها اصلاً و بتطلب اللي شايفة انه حقها بمنتها البجاحة .. طيب حضرتك يا قمور عملت اية عشان يبقي ليك حق اصلا ؟ ليه عايز الناس تهتم باللي ليك و حضرتك مش عامل اي حاجة من اللي عليك .. نظام ع قد فلوسهم و اديني بضيع وقت دة كلام ناس فاشلة عمرها ما هتنجح ف اي حاجة .. عود نفسك اما حتي تمشي من مكان تمشي و انت شكلك لطيف و انت سايب صورة كويسة و انت احسن حد ف المكان دة .. #JustSaying