Just Wanna Say It !!!

كان من اهم صفات المصريين زمان انهم جدعان عمرك ما كنت تلاقى حد فى مشكلة غير و تلاقى جنبة مش اقل من 5 واقفين معاة و بدون مقابل و فضلنا كدة فترة محترمة و ابتدت الجدعنة دى تقل شوية بشوية لحد ما كنا افتكرنا انها انعدمت تقريبا بقينا نشوف حاجات مش لايقة ع طبيعة مجتمعنا الشرقى اللى عمل عاداتة و تقاليدة بنفسة و بقينا نشوف ان ممكن حد يضايق بنت فى الشارع بغض النظر عن هيا عاملة اية فى نفسها بس كان كلة بيقول و انا مالى اوقع نفسى فى مشاكل لية فضلوا كدة و ربونا ع كدة متكلمش فى السياسة احنا عايزنك يا حبيبى يا ابنى لو اتكلمت هيجرجرونا كلنا ع الاقسام و مستقبلك و مستقبل عيلتك هيدمر و حاجات من دى كتيييير و منقدرش ننكر صحة بعض الحاجات دى بس انا بشوف ان لو فى ظاهرة متطرفة فى هيا حصلت لأن الشخص دة حاول انة يغير من نفسة يعمل حاجة مختلفة يحس بأن لية دور فى المجتمع هو اة الطريقة غلط بس ع الاقل حاول يغير امال اية اللى حصل فى التحرير دة ازاى كانت الدنيا عاملة كدة فى التحرير مش دة برضة الشباب الطايش الشباب التافة اللى مش بيقرأ اللى مش بيحب يكلم فى السياسة شباب تمورة و عمورة شباب اللى بيحب التفاهة اللى عمرة م...

المرة دى اختى كانت فى ميكروباص و كان السواق نموذج من اللى محتاجين يتعالجو نفسيا بجد اللى حصل اية السواق ماشى و قدامة عربية بوكس من الصغيرة ذى اللى بتبقى موجودة فى شرم لزوم الشياكة و هنا بيبقى فيها عساكر لزوم الحماية المهم السواق قعد يكلكس للبوكس ويزنق علية و يشتمة لحد كدة كان القصة مستفزة و الناس كالعادة مش هتتكلم انما اللى حصل هو طوفان من التهزيق اخدوا السواق و من مين من الناس اللى راكبين معاه منهم اللى قالوا انتا ازاى تعمل كدة و ميصحش و بتاع و انت كنت تقدر تعمل كدة زمان رد السواق بكل برود دة كان زمان قبل 25 لحد كدة بردة عادى الناس قالولوا لا بعد 25 و لا قبل الناس دى مفروض تحترمهم و تعرف مقامك قدامهم و خليك محترم عشان يحترموك بجد انا كل يوم بحب البلد اكتر من اللى قبلها ربنا يحمى مصر و شعبها و يحافظ عليها

اول مرة اشوف سواق ميكروباص بيقول لزميلة بعد اذنك ممكن اعدى و اما واحد تانى بيشتمة ملحوظة: الشتيمة عندهم زى اذيك عندنا كدة و كمان اية يرد يقولة انا لو فعلا كدة كنت رديت عليك انا راجل مؤدب و اهلى مربينى كويس و الله البلد بقت حلوة اوى حاجة تفرح

طيب بفرض انى حد مبيحبش الفاصوليا لييييييية اتجبر انى مقولش انى بحبها ع راسها ريشة يعنى ولا اية من جقى اقول ب أعلى صوت انى مبحبش الفاصوليا و ارفض كل المحاولات اللى بتتعمل عشان تحببنى فيها و بنفس المنوال انا مبحبش سين من الناس دة يضايق الناس فى اية و يحاولو يحببونى فية و فى نفس الوقت هما فى ناس مش بيحبوها و مع ذلك مش بيحاولو يحبوهم فا ياجماعة ارجو بس ان كل واحد يخلية فى نفس و الحب دة حاجة شخصية مش مفروض ان حد يدخل فيها و مفيش حد معصوم من النقد و من انتقاد اسلوبة و مش معنى اننا بنشترك فى حاجة ان الحاجة دى تمنعنى من انتقاد مواقف الشخص دة من الاخر مفيش حد ع راسة ريشة و لو لسة فى حد فاكر ان فى حد ع راسة ريشة يقولنا علية و احنا كفيلين اننا نقصهالو و الله الموفق و شكرااا

ملحوظة صغيرة البوست دة تمت كتابتة بتاريخ 9 فبراير 2011 يوم الاربعاء "اتارى مصر اللى كنا بندور عليها موجودة فى ميدان التحرير" بجد لازم كل الناس تنزل تشوف ازاى احنا بقينا مختلفين بجد هيغير نظرتك للحياة انا شخصيا قررت حاجات كتيير هتحصل فى حياتى ان شاء الله و كلة من ميدان التحرير و يا ريت نبطل نشوف اخبار خليك انت الخبر و انزل شوف بنفسك هتلاقى مصر اللى دايما بتحلم بيها هتلاقى اما يجياك تمرة تتقسم ع 5 و اهى تمرة هنية تكفى 100 هتلاقى ان واحد متعرفوش فتح اى حاجة و بيديك منها مش عشان يعاكس ولا حاجة بس عشان احنا بعد الايام دى مش هنعرف نعيش بس لنفسنا لأ لازم كل حاجة نشاركها و نقسمها مع بعض بجد مصر مختلفة تماما انا صحيح مفضلتش كتيير بس بجد كانو احلى وقت فى حياتى واة حصل حاجات كمان مبقناش لقيين مكان نجيب منة حاجة للاطفال ف كنا داخلين محرجيين و كدة فجأة لقينا واحد معاة عربية و فتح الشنطة و طلب مننا ندخل الحاجات دى جوة بطاطين بقة و مشايات موكيت و اكل و كل ما يمكن تخيلة بجد انا مكنتش فاكرة ان احنا كويسين قوى كدة و اة واحد معاة سندوتش فقعد يقول مييييين عايز ياكل الكنتاكى اهو يا ولاد و كما...

All of us hear about that to be more creative we have to think out of the Box, but what is the box?? The box is our normal thinking, and all the hidden assumptions we make. And knowing the outside world only through the pictures and descriptions written on those four walls of the picture even the best pictures and most accurate descriptions couldn't encompass the totality of the world outside How could u know that If you are in -the- box thinker or not? In-the-box thinkers are skillful at killing ideas. They are masters of the creativity killer attitude such as "that'll never work" or "it's too risky." They also believe that every problem needs only one solution; therefore, finding more than one possible solution is a waste of time. They often say, "There is no time for creative solutions. We just need THE solution." How can we break those walls or by another meaning how can we think out of the box? Thinking outside the box require...

اية دة انت بتضربنى ؟؟   طيب من يومين كدة و انا طالعة بيتنا بعد ما جيت من الامتحان لقيت اية ؟؟ لقيت يوسف عندنا مين يوسف دة ؟ يبقى ابن بنت خالى المهم يوسف دة 4 سنين قعدت انادى علية و هو منفضلى اخر حاجة "عشان كدة مش بعتب على حد اما ينفضلى :D " و بعدين رحتلو بقلو انا : فنوسى حبيبى مش بترد عليا لية "دة الدلع بتاعة عشان هو بيحب يفنس يعنى يدعبس يعنى يدور يعنى اللى مش فاهم يدور ف المعجم " فنوس : انا زعلان منك انا : لية يا حبيبى فنوس: مش بتجيبيلى حاجة حلوة . "اكيييييييييد مش هسكتلة قلبت راسة تحت و رجلة فوق و ابن خالى قعدنا نضرب في "افترا بقة " فنوس : "طبعا هو عارف انة لو اتعارك معايا خسران" راح ل احمد اللى يعتبر خالة " اية دة انت بتضربنى ؟؟ احمد: ايوة ان كان عاجبك فنوسى بقة بيحاول يفلفص مننا بكل الاشكال الممكنة و ف الاخر جالى و سلم عليا و ادانى بوسة كمان : D:D   الشحاتة المقنعة   الموضوع دة فارسنى بشكل فظيع يعنى ايييييييييييية حد يدخل يشحت و يترجى الناس يشترو منة مناديل هى1 : البسملة و بعد كدة حديث عن الرسول صلى الله ...