Just Wanna Say It !!!

حبيت بس أحتفظ بالأغنية دى عشان بحبها :)) إليا ويلا كامسا سهره تولومر جوانانى إننا مانا بانيا فوجا نارنن تات أنجوناي أيجا كير ناكولى أيجا هاموراوى , نانى نيرميمنى ماشالله دوك نا محمد منير .. قمر رحيلي نوبي .. من برنامج كوك ستوديو محمد منير .. قمر رحيلي .. حفل زمرده بالساحل الشمالي بحبها :))

عمرك فكرت انك لو شوفت الأرقام ع موبايلك و إخترت رقم شخص مكلمتوش بقالك فترة و كلمتة و قولتلة إزيك و إية أخبارك أن الحركة دى هتسعدة و تخلية مبسوط ل 10 ساعات قدام مثلا حتى لو مكنتوش صحاب قوى ؟ طيب هقولك حاجة أحلى عمرك فكرت تروح تقول لحد بتحبة بس عمرك ما قلتلة انك بتحبة لأنك مبقتش محتاج بينكم تواصل و كدة انك لو فجأة كدة قولتلة انك بتحبة دة مش هيأثر فية و هيخيلية مبسوط ؟ طيب مفكرتش تبعت مسج لواحد صاحبك تقولة انة وحشك ؟ الفكرة ان الدنيا قصيرة جداا و فكرة انك تقضيها و انت مانع نفسك انك تقول لحد بتحبة انك بتحبة او تقول لحد واحشك انة واحشك انت اللى هتبقى متضايق و عندك إحتباس فى مشاعرك ولا الأحتباس الحراراى :D كلم صحابك اللى بتحبهم و قولهم انك بتحبهم .. و متستناش ان يتقالك و انت كمان عشان 75% بتبقى مجاملة . قول لحد واحشك انة واحشك و متستناش يقولك و انت كمان. خليك دايما عارف ان اجمل يوم لسة مجاش و ان سعادتك لازم تكون فى إيدك متكنش مرتبطة بأشخاص . إعمل حاجة تبسط بيها اللى حواليك و انت هتنبسط بنفسك و هنا بردة هتكون سعادتك إعتمدت ع تصرف انت اللى عملتة بنفسك م...

بقيت بحب التفاصيل عشان اما بتتجمع مع بعض جزء مع جزء بيبين جزء كبير أوى من الموضوع و بيخلى الرؤية أوضح بمعنى إنى لو ركزت فى تفاصيل مشكلة ما دة هيخلينى أقدر أعرف أسبابها و مخليهاش تتكرر تانى إنى بشوف التفاصيل دة فى بعض الأحيان بيبقى عامل زي الضوء اللى بيبقى موجود ع بعد كبير منى و أنا واقفة فى الضلمة فى الحالة دى مبركزش فى الضلمة اللى أنا فيها لأنى ببقى شايفة ان الدنيا منورة قدامى ع الرغم من أنى فى الضلمة

بحب أفكر نفسى دايما إن محدش هينفعنى غيرى و إن الدنيا مش بتقف ع حد اللى معايا إنهاردة بكرة إحتمال كبير ميبقاش معايا بحب أفكر نفسى بردة أنى أخليها دايما مستعدة ان فى أي لحظة تقدر تعيد نفسها و تطور نفسها و متقفش دايما عند أى عقبة بحب أفكر نفسى إنى لازم أفكر فيها شوية و مش كل حاجة أجى عليها عشان أى حد تانى لأن الحد التانى دة مش دايم ليها بحب أفكر نفسى إنها تخلى بالها عليها و تحافظ عليها و متسمحش لحد يأثر عليها بأثر سلبى كفاية كدة لحد دلوقتى :))

حاسة إنى بقيت عاملة زي اللى كان فى جرة و طلع لبرة أو أنى كنت محبوسةو خرجت لا أنا عارفة أرجع للجرة بتاعتى تانى و لا عارفة أتعايش مع اللى بقيت فى مش عارفة الدنيا هي اللى بقت واسعة عليا و لا أنا اللى كانت دنيتى صغيرة و لا أنا كنت بلعب ع الشط و مرة واحدة حد خدنى فى وسط البحر و رمانى و قالى عومى و انا مبعرفش أعوم مش عارفة هعرف أتعلم العوم و لا هتعب من كتر ما بعافر عشان مغرقش و مش هلاقى حد ينجدنى * جزء من رباعيات لصلاح جاهين غناها منير فى أغنية إيديا فى جيوبى Link Click Here :)

احيانا بنبقى محتاجين نكلم أشخاص معينة عشان ناخد قرار نهائى اننا منكلمش معاهم تانى و انهم لازم يخرجوا من حياتنا و عشان منستسلمش تانى للشعور الزائف بأنهم واحشنا و عايزين نشوفهم

رضوى فتحى مرشحتكم للرياسة أنا رضوى عندى 21 سنة و هكمل 22 سنة الشهر الجاى و عايزة ارشح نفسى للرياسة و طبعا نظرا للشروط المجحفة للرياسة انى لازم يبقى عندى 40 سنة ف طلعت بفكرة عظيمة مستوحاة من فيلم أجنبى أكييد انى أستلف ال 18 سنة اللى فاضلينلى دول من أى حد و فى سبيل دة أنا هظبط البلد فى الفترة دى و هخليها فلة أصلا و الشعب هينبسط أخر انبساط أى والله . و هذا فقد قررت ان اعرض برنامجى الأنتخابى عليكوا و أنا عرضت جزء منة ع المواطنين و لاقى استحسان الكثيرين "كلام كبير – ريسة بقى " أول حاجة طبعا لو عملتوا مظاهرات ضدى دى حاجة غير مقبولة و أكييييييييد مش هستخدم الجو السيس بتاع الداخلية دة و اضرب خرطوش و غاز لأاااا طبعا أنا هضرب فى المليان عشان أكييد محدش هيثور ضدى دة أنا فُلة أصلا و هظبط الشعب كلة,,,,, بالنسبة للمشاريع بقى و يقولك البلد مفيهاش فلوس أنا بقى هجيب الفلوس ,, سألتونى منين هقولكم حالااااا مشروع التأميم بقى مش هاخد جزء من الثروة بتاعة الأغنيا زى الظباط الأحرار لأ دة انا هاخد كل حاجة و هقعدهم ف العشوائيات عقابا ليهم عشان مكنوش محققين عدالة إجتماعية...