Just Wanna Say It !!!

في حقيقة الأمر يعني , و بعد كام سنة الواحد عايش فيهم و مع الوضع الحالي , اكتشفت ان فعلا محدش هياخد باله مني غير نفسي و  أمي و شكرا ع كده . و ده مش ذم ف حد بس فعلا الحياة بقت صعبة علينا كلنا و بقينا كلنا بنلف ف ساقية الحياة و بقينا قصص حزينة فشخ ع رأي حافظ ربنا يرحمه , و القصص الحزينة دي مش سببها حاجة غير الضغوط و الحوارات اللي غصب عننا لازم نتعامل معاها يوميا. الضغوط دي ممكن يكون ليها أسباب كتيرة بس ممكن تخلي حد ممكن يكون قدرتة ع المواجهة ضعيفة شوية يفكر يخلص من حياته عشان يرتاح من ال overthinking اللي مش عايز يسيبه ف حالة. و الضغوط دي بردة ممكن يكون سببها صحابك اللي مش قادرين يفهموا حالتك النفسية ولا قادرين يكونوا ع قدر من الصراحة معاك ف اي موضوع تاخد رأيهم فيه , يعني وجودهم زي عدمه للأسف ! الضغوط دي سببها انك انت شخصيا مش قادر تفهم نفسك ولا عارف تحدد انت عايز تعمل ايه , او عايز تعيش حياتك ازاي , مشاكلك مبتتحلش مع كل النشاطات اللي بتعملها , دايما حاسس انك غريب وسط اي مجموعة تبقي قاعد معاها... الضغوط دي سببها ان مرتبك مش بيكفيك , و ان عندك التزامات اكبر من...

مبفهمش الناس اللي بتكدب و تحور عشان حاجات مش مهمة،  فلوس زيادة ولا خايفة من العقاب،  تحوير بس،  اللي هو ماتيجي دوغري يا حبيبي و سيب مغامرة التحوير دي لحد فاضيلك، بدل ما انت بتقل من نفسك و شكلك بيبقي وحش.. لا و الابشع منهم الشخصيات التافهة اللي بتسيب مواضيع مهمة و تمسك ف تفاهات،  مع الوضع ف الاعتبار اختلاف الاولويات من شخص للتاني بس بيبقي ف حاجات كدة مفيهاش هزار...

#أريد_رجلاً بعد متابعة 60 حلقة و كنت بشوف بال 5 حلقات ف اليوم عشان انجز،  وصلت لفكرة كدة هنجيلها اكيد. أمينة: البنت الدلوعة وحيدة بابا و ماما اللي دايماً اللي عايزاة بتعمله،  شخصيتها قوية و واثقة ف نفسها جداً  سليم: شخصيتة قوية و راجل بمعني الكلمة اللي نقدر نقول مبقاش موجود زية دلوقتي،  الشخصية اللي بتحسس اللي قدامها بالامان و دايماً واخد باله من كل اللي حواليه حتى لو ع حساب نفسه. بدون الدخول ف التفاصيل،  أمينة بتحب سليم اوي و نفسها تفرحه ف شافت مامته هتموت ع ولد بمفهوم اهل الصعيد الضهر و السند ف خلفت مرتين و جابت بنتين و لسبب مرضي مش هتقدر تخلف تاني قبل 5 سنين، يظهر ف الكادر ام سليم الست يامنة اللي مستعجلة ع الوتد و الضهر و السند ف تبدأ ف مسلسل الزن ع ولدها سليم عشان يتجوز ع أمينة و بتقع و سليم ف الاخر يسمع كلام امه عشان خايف عليها، تمر الأيام و تعرف أمينة ان سليم اتجوز عليها بتقلب عليه الدنيا و هنا بقي تيجي اكتر مسلسل خلاني مش عارفة اكون ف صف مين !!! الأستاذة أمينة حبت تنتقم راحت مقطعة لبسها كله بالمقص و اتهبلت شويتين كده و قالت هرفع قضية ط...

  مشكلة كبيرة ان الواحد اما بيغطس ف حاجة كدة بيبقي مش شايف نفسة ف اي حاجة تاني غيرها ... اللي هو حبس نفسه جوة bubble و مش عارف يخرج منها و ف وسط ما هو بيلف ف مكانه يجي حد ابن حلال كدة يفرقع ال bubble دي ف تفضب تجري ف الفضاء السرمدي لحد ما تقع ع جدور رقبتك و تكسر ... ما هو الفكرة ان العلامات كتير بتجيلك و انت جواها بس انت مبتبقاش عايز تخرج اللي هو بقت هيا ال comfort zone بالنسبالك و مش عايز تخرج منها مع ان المفروض الواحد ميسكتش ع انه يتحشر ف اي comfort zone الا لو كانت صحابة و مالهاش ادني علاقة بمستقبلة .. امتي هيجي الوقت اللي اخرج فيه من ال comfort zone بتاعتي مش عارفة بس كويس اني ابتديت اركز انا فين بالظبط .... و احب اشكر وائل الفخراني ع الفيديو دة :) The Discomfort of Our Comfort Zone

عودت نفسي عشان اعرف اطلب حقي ونا واثقة جداا و بكلم بقلب جامد اني لازم اكون عاملة اكتر من المطلوب مني عشان يبقي ليا حق اني اطلب انما دلوقتي بنلاقي ناس مش عاملة ربع اللي عليها اصلاً و بتطلب اللي شايفة انه حقها بمنتها البجاحة .. طيب حضرتك يا قمور عملت اية عشان يبقي ليك حق اصلا ؟ ليه عايز الناس تهتم باللي ليك و حضرتك مش عامل اي حاجة من اللي عليك .. نظام ع قد فلوسهم و اديني بضيع وقت دة كلام ناس فاشلة عمرها ما هتنجح ف اي حاجة .. عود نفسك اما حتي تمشي من مكان تمشي و انت شكلك لطيف و انت سايب صورة كويسة و انت احسن حد ف المكان دة .. #JustSaying

لو كل واحد عود نفسه ميحكمش ع غيرة من مظهرة وانة يقبل اللي قدامه بكل عيوبه و مشاكلة عشان مفيش حد كامل , كل بني آدم له مزاياه و عيوبه ,, ياريت نقبل بعض يا جماعة الدنيا مش مستاهلة مشاحنات و قرف كل واحد فيه اللي مكفيه و محدش ناقص يعني ... #justSaying

دايما بيبقي عندي زي احساس او ببقى عارفة ان في حاجة معينة هتحصل , و لو الحاجة دي هتضايقني و بحاول انها تحصل بشكل سريع اللي هو وقوع البلاء ولا انتظاره , و قيس ع دة بقى علاقتي بصحابي او بالناس بشكل عام دايما ببقى عارفة مين اللي هيفضل مكما معايا و مين هنبقى منعرفش بعض و دايما ببقى صح , و دايما عارفة اني لو مبسوطة انهاردة ف دة مش هيفضل موجود لبكرة و بقيت مقتنعة اني مبيعيشليش صحاب ولا بيعيشلي اي حاجة ف بقيت عادي بتقبل الأمور ببساطة بس في حاجات بتحصل ف الناس و ناس فعلا يبقى صعبان عليا خسارتهم دي بقى الضربة اللي بتموت زي ما بيقولوا بس عادي الأمور هتعدي و بكرة هيجي و هتعرف ناس جديدة و يمشوا اليوم اللي بعدة و نفضل ف دايرة كدة من المعارف بتتغير بشكل سريع بيخليك ف فترة ما بتحس انك لوحدك مع ان حواليك ناس كتير و بتحاول تندمج مع اللي حواليك بس دايما بيفضل مكمل معاك احساس عندم الأنتماء لأي مجموعة انت هتكون موجود فيها مهما حاولت تحسس نفسك انه عادي و الحياة بتمشي و بتسحل نفسك ف اي حاجة تنسي بيها الأفكار اللي بتعكنن عليك هتيجي وقت تكون فاضي فيه هتفتكر كل حاجة و هتعكنن ع نفسك حياتك و يومك و كل ح...