لخبطة جواية
أنا مش شايفة قدامى غير صورة البنت اللى اتسحلت و مش شايفة قدامى غير جثة عادل اللى مات الفجر عشان الجيش مرضيش يدخل الأسعاف و مش شايفة قدامى حاجة غير كاونتر الشهدا اللى كل يوم بيزيد و احنا مش عارفين نجيب حق حد مش شايفة قدامى غير ام الشهيد اللى كان نفسها تفرح بابنها و هو واخد شهادتة و تفخر بية مش شايفة قدامى ولا سامعة غير صوت أم الشهيد اللى بتغنى يا بلادى يا بلادى أنا بحبك يا بلادى و اما بتيجى الحتة بتاعة قولو لأمى متزعليش وحياتى عندك متعيطيش و هى غرقانة فى دموعها و واخدة قلوبنا معاها ,, هو بالسهولة دى الناس بتمحى ضميرها ,, صحوا ضمايركم بقى حرام عليكوا