Just Wanna Say It !!!

بقيت بحب التفاصيل عشان اما بتتجمع مع بعض جزء مع جزء بيبين جزء كبير أوى من الموضوع و بيخلى الرؤية أوضح بمعنى إنى لو ركزت فى تفاصيل مشكلة ما دة هيخلينى أقدر أعرف أسبابها و مخليهاش تتكرر تانى إنى بشوف التفاصيل دة فى بعض الأحيان بيبقى عامل زي الضوء اللى بيبقى موجود ع بعد كبير منى و أنا واقفة فى الضلمة فى الحالة دى مبركزش فى الضلمة اللى أنا فيها لأنى ببقى شايفة ان الدنيا منورة قدامى ع الرغم من أنى فى الضلمة

بحب أفكر نفسى دايما إن محدش هينفعنى غيرى و إن الدنيا مش بتقف ع حد اللى معايا إنهاردة بكرة إحتمال كبير ميبقاش معايا بحب أفكر نفسى بردة أنى أخليها دايما مستعدة ان فى أي لحظة تقدر تعيد نفسها و تطور نفسها و متقفش دايما عند أى عقبة بحب أفكر نفسى إنى لازم أفكر فيها شوية و مش كل حاجة أجى عليها عشان أى حد تانى لأن الحد التانى دة مش دايم ليها بحب أفكر نفسى إنها تخلى بالها عليها و تحافظ عليها و متسمحش لحد يأثر عليها بأثر سلبى كفاية كدة لحد دلوقتى :))

حاسة إنى بقيت عاملة زي اللى كان فى جرة و طلع لبرة أو أنى كنت محبوسةو خرجت لا أنا عارفة أرجع للجرة بتاعتى تانى و لا عارفة أتعايش مع اللى بقيت فى مش عارفة الدنيا هي اللى بقت واسعة عليا و لا أنا اللى كانت دنيتى صغيرة و لا أنا كنت بلعب ع الشط و مرة واحدة حد خدنى فى وسط البحر و رمانى و قالى عومى و انا مبعرفش أعوم مش عارفة هعرف أتعلم العوم و لا هتعب من كتر ما بعافر عشان مغرقش و مش هلاقى حد ينجدنى * جزء من رباعيات لصلاح جاهين غناها منير فى أغنية إيديا فى جيوبى Link Click Here :)

احيانا بنبقى محتاجين نكلم أشخاص معينة عشان ناخد قرار نهائى اننا منكلمش معاهم تانى و انهم لازم يخرجوا من حياتنا و عشان منستسلمش تانى للشعور الزائف بأنهم واحشنا و عايزين نشوفهم

رضوى فتحى مرشحتكم للرياسة أنا رضوى عندى 21 سنة و هكمل 22 سنة الشهر الجاى و عايزة ارشح نفسى للرياسة و طبعا نظرا للشروط المجحفة للرياسة انى لازم يبقى عندى 40 سنة ف طلعت بفكرة عظيمة مستوحاة من فيلم أجنبى أكييد انى أستلف ال 18 سنة اللى فاضلينلى دول من أى حد و فى سبيل دة أنا هظبط البلد فى الفترة دى و هخليها فلة أصلا و الشعب هينبسط أخر انبساط أى والله . و هذا فقد قررت ان اعرض برنامجى الأنتخابى عليكوا و أنا عرضت جزء منة ع المواطنين و لاقى استحسان الكثيرين "كلام كبير – ريسة بقى " أول حاجة طبعا لو عملتوا مظاهرات ضدى دى حاجة غير مقبولة و أكييييييييد مش هستخدم الجو السيس بتاع الداخلية دة و اضرب خرطوش و غاز لأاااا طبعا أنا هضرب فى المليان عشان أكييد محدش هيثور ضدى دة أنا فُلة أصلا و هظبط الشعب كلة,,,,, بالنسبة للمشاريع بقى و يقولك البلد مفيهاش فلوس أنا بقى هجيب الفلوس ,, سألتونى منين هقولكم حالااااا مشروع التأميم بقى مش هاخد جزء من الثروة بتاعة الأغنيا زى الظباط الأحرار لأ دة انا هاخد كل حاجة و هقعدهم ف العشوائيات عقابا ليهم عشان مكنوش محققين عدالة إجتماعية...

تعودتم على رؤيتى سعيدة دائما ,,,لا أعطى بالا لشيىء ولا أسمح لشيىء ان يعكر صفو حياتى ,,, و لكنى لم أعد أشعر أنى نفس الشخص ,, أصبحت مثقلة بالهموم ,, تملكتنى تعاسة لا أعرف مصدرها ,, أو أعرف ولا أريد التحدث عنها ,,,,, أعتقد انى محتاجة وقت , أة أكتئب حبة ,,, و اة لازم تستحملونى حبة ,, و هاخد وقتى و هروق لوحدى عشان انا عارفة انى هقدر انسى نفسى اللى أنا فية و أنا هفضل احاول و هعمل كدة عشان أنا لسة قادر فى الحزن أفرح :))

قلتيلى ان الكتابة رسالة و ان احساسى بأن اما اكتب عن اللى حاسة بية ممكن يبقى فى خرق لخصوصياتى ,,,, قلتيلى انها رسالة و ان ربنا مدينى القدرة ع توصيل احساسى غيرى معندوش القدرة دى و انى اما اكتب ممكن حد تانى يتعلم و يقدر بعد كدة يكتب جملة لوحدة و عشان كدة يا عزيزتى أنا كتبت و بهديلك البوست دة عشانك و البوستات الجاية كمان حتى لو محدش قراها غيرك حتى لو محدش حبها زيك شكرا يا حبيتى و مش هقول انتى مين بس انتى عارفة نفسك كويس :))