Kesas Kasera :P

اية دة انت بتضربنى ؟؟

 

طيب من يومين كدة و انا طالعة بيتنا بعد ما جيت من الامتحان لقيت اية ؟؟ لقيت يوسف عندنا مين يوسف دة ؟ يبقى ابن بنت خالى المهم يوسف دة 4 سنين قعدت انادى علية و هو منفضلى اخر حاجة "عشان كدة مش بعتب على حد اما ينفضلى :D"

و بعدين رحتلو بقلو

انا : فنوسى حبيبى مش بترد عليا لية "دة الدلع بتاعة عشان هو بيحب يفنس يعنى يدعبس يعنى يدور يعنى اللى مش فاهم يدور ف المعجم "

فنوس : انا زعلان منك

انا : لية يا حبيبى

فنوس: مش بتجيبيلى حاجة حلوة .

"اكيييييييييد مش هسكتلة قلبت راسة تحت و رجلة فوق و ابن خالى قعدنا نضرب في "افترا بقة "

فنوس : "طبعا هو عارف انة لو اتعارك معايا خسران" راح ل احمد اللى يعتبر خالة "

اية دة انت بتضربنى ؟؟

احمد: ايوة ان كان عاجبك

فنوسى بقة بيحاول يفلفص مننا بكل الاشكال الممكنة و ف الاخر جالى و سلم عليا و ادانى بوسة كمان

: D:D

 

الشحاتة المقنعة

 

الموضوع دة فارسنى بشكل فظيع يعنى ايييييييييييية حد يدخل يشحت و يترجى الناس يشترو منة مناديل

هى1 : البسملة و بعد كدة حديث عن الرسول صلى الله عليه و سلم و بعد كدة انها بتعول 4 بنات اولهم ف سنة اولى جامعة من ساعة ما دخلت الكلية و هيا ف سنة اولى

و بعد كدة انة لازم المسلم يستر اخوة ؟؟

:@:@:@:@

يعنى ازااااااااااى بتطلب من الناس تسترها و هيا فاضحة نفسها و انة مش عييب انها تبيع مناديل طيب ما هو طبعا مش عييب العييييييييييييب انك تشحتى على دة يعنى انا عندى انها تبيع و هيا ساكتة

احسن الف مرة من انها تعمل كدة .

 

هى 2: من كتر ما حفظت شكلها هيا بقت تشوفنى تنزل او تودى وشها الناحية التانية

:D:D

يعنى هى زى ما كتبة ف الورقة ارملة و بتصرف ع ولادها , يعنى هيا لو دورت ع اى وظيفة مش يبقى احسن من استدرار عطف الناس ؟؟

 

؟؟Metroooooo؟؟

تذكرة مترو

 

اكتر حاجة تانية بتفرسنى اكون بعدى ف امانة الله و اذا بحد يمسك الماكينة بدون اى سابق انذار و المفروض انى متكلمش و البتوع اللى موقفينهم دول منظر بس مقضينها تسبيل بس للعيال بتوع المدارس

:D:D

كذا مرة اقوم باصة شذرا ليهم و اعدى و اتأكد ان الماكينة متعديش حد , مش رخامة منى انا لو حد بكل ذوق قالى اعدى وراكى هقول اتفضل طبعا انما المشكلة ان كل واحد بقى شايف ان من حقة يعمل

اى حاجة من غيير اى استئذان ولا اى حاجة , ليييييية بقينا مش عارفين نحترم بعض يعنى دى ابسط حقوق الانسان .

بابان للنزول و اخرى للصعود

من الحاجات المستفزة بردة المدام بتاعة النداء الالى ف المترو يعنى كتر خيرها بصراحة منتشرة ف كل حتة ف فوادفون و ف الارضى و ف المترو , ست عظيمة

و كمان عاملين علامات ان دة باب صعود و دة باب نزول و الناس بتطلع من الناحيتين و تنزل بردة من الناحيتين , ماشى ناس هتقولى الدنيا زحمة انا مستعدة استحمل و الدنيا زحمة

انما يبقى المترو فاضى و ناس بردة مش سامعة الكلام دة يبقى معلش يعنى ذكاء شديد و لازم يتعالجو منة

:@:@:@