كفاية رغى
بداية كلامى سلام :))
كام واحد مننا بيحس انة من كتر ما هو بيكلم عن موضوع ما بيضيع على نفسة فرص كتير قوى إنة يشتغل فى الموضوع دة او انة يعمل اى حاجة تانية مفيدة بالنسبالة ؟؟
طيب عشان اوضح وجهة نظرى اكتر هاخدنى مثال ع الموضوع دة .... أنا حاسة انى من كتر ما بكلم عن انى بجد نفسى اذاكر و انى فعلا عايزة اذاكر مش بذاكر
و إنى من كتر ما أنا بكلم عن قد اية انا عايزة اشتغل مش بشتغل فعلا
مكدبش عليكم دى مشكلة فظيعة جداااا و معتقدش ان انا بس اللى بحس بكدة مع اختلاف الكلام يعنى
أنا شايفة ان فى ناس كتير قوى عندهم نفس مشكلتى دى بيكلموا كتيييييييييييير قوى و الفعل مفيش مش بيعملوا اى حاجة خالص
كام واحد بيكلم عن ان نفسة البلد تبقى احسن بلد فى الدنيا و كلام الأغانى الحلو ومن اول ياحبيبتى يا مصر يا مصر لحد وحياتك لأفضل اغير فيكى لحد ما ترضى على
طيب جربت تسأل نفسك عملت اية فعلا عشان ترضى عليك او عشان تبقى فعلا البلد احسن بلد فى العالم ؟؟؟؟؟
طيب هنفضل كدة لحد إمتى , نكلم و بس مش بنعمل اى حاجة تانية غير الكلام؟؟؟؟؟
أرجوكم كفاية كلام , كفاية رغي و نحاول ننفذ المقولة اللى معرفش مين قالها "دعونا نعمل فى صمت " و دة عشان لما نعمل فعلا مش هنلاقى وقت نكلم و عشان كدة أنا قررت ابدأ بنفسى
أنا مش هقول أنا عايزة أذاكر تانى هوفر الوقت اللى بكلم فية دة عشان اذاكر فعلا !!! و دة بقى عشان ابقى فعلا جديرة بإنى ربنا يكرمنى و يوفقنى و ابقى جديرة بالمكان اللى انا نفسى اشتغل فية
و أخر كلامى زى ما بدأت كلامى بالسلام
و السلام ختام :))
صح
ReplyDeleteوانا بقى عايز البلد دى اوسخ بلد فـ الدنيا ( عشان عايزها احسن بلد )
ومش هذاكر تانى خالص طب وربنا مانا فاتح كتاب ( عشان نفسى اذاكر )
يارب الناس تفضل تجيب فـ سيرة كل الناس وياااارب يفضلو يحقدوا على الناس التانيين ( عشان يتهدوا ولااد ميتين الكلب )
واخر كلامى وسلامى لاختى فــ الله رضوى فتحى :D
و سلامى ليك يا أخويا كمان :):D:D
ReplyDeleteتفتكري احنا كعرب....ظاهرة صوتية...؟!!!!
ReplyDeleteلو بطلنا نحلم نموت ) و )
ReplyDeleteوعلشان ما نموتش لازم نتكلم ونقول عايزين نعمل ونعمل ونعمل ولكن ممكن يكون بينقصنا هنا العزيمة شويتين يعنى بتقولى عايزه ازاكر لكن مش بتعملى كده وغيرة وغيرة لكن الحقيقة ان فيه حاجة ناقصة علشان تكمل الدايرة يعنى اوضح اكتر ان يكون فيه شوية مننا بيقولو ومش بيعملوا مش الكل علشان ما اعممش ولكن فيه ناس كتير واققصد بان الدايرة تكمل فى ان الدافع للعمل موجود وهوه اننا نوكون احسن والرغبة موجوده بدلبل الكلام ولكن ناقص حاجة كده ممكن تكون الجاجة دى زى الملح من غيرة الاكلة ما تكملش وممكن يكون زى الشرارة الى من غيرها النار ما تولعش وهنا الى ناقص هوة الحافز ومعاة شوية عزيمة يوصلونا لنتيجه حلوه خالص يعنى لما تلاقى حد يقعد معكى ويزاكر والاحتى يشجعك او تلاقى حد يقلك انا معاك انته صح كمل للاخر ممكن يكون ده حافز او لما تلاقى نتيجة سريعة ممكمن تكون حافز مثلا زى واحد اشتغل وتعب وبعد شهر لقى معاة فلوس. وهكذا ايا كان نوع الحافز مادى او معنوى فوجوده مهم جدا علشان تكمل الدايرة يعنى لو البلد اقصد الشعب لانهم همة البلد لقى حد ادالة حافز او ادالة رؤية واضحة للامور ومجرياتها والطريق المخطط الى لازم نمشى علية والله ما كان فية حد هيحود يمين والا شمال لكن البلد سايبة مش عارفين مين الصح ومين الغلط وكمان انا مستنى وبعمل فى صمت لغاية ما صبرى ينفذ وينتهى الصمت اذا ما الناس دى ما بطلتش ترغى وبس من غير ما تعمل حاجة ........
@AHMED SAMIR أة أفتكر مفيش حياة من غير أمل و مفيش أمل من غير حياة يبقى اة ممكن جدااا
ReplyDeleteشكراا ع تعليقك :)
@medoo أنا متفقة معاك جدااا و عشان كدة انا كتبت دة انا بكلم عن الحالة بتاعة الكلام الكتير بدون فعل انما طبعا عشان نعمل محتاجين نقول انما مش نفضل نقول و منعملش حاجة
ReplyDeleteشكرا ع تعليقم :)
فى البدأ كانت الكلمة وهى الهادية والمضلة واول القرآن أقرأ .. شعرت فى نهاية قرائتى بداية كلامى سلام انك كتبتيها بعد رؤية برنامج فلولى محترم .. عموما العمل مطلوب ومهم والكلام مهم لنخرج ما فى انفسناوالتعليق السابق يؤكد على الجزء المفقود فى الدائرة هذا هو الاساس وهو الفاعل الذى يولد الاحباط وعدم القدرة بل ويصل للعجز .. وهو فقد الامل ولاسيما بعد ارتفاع سقف الطموحبعد الثورة الذى عملوا على تبريدها ثم الوصول بالناس لمرحلة انه مفيش فايدة مقصدى من التعليق هو التنبيه بعدم اليأس ويظل الانسان يحاول حتى يموت ولا يصل للكمال أخيرا بالتوفيق
ReplyDeleteفلولي لأ خالص حرام عليك :) ... و متفقة معاك ف جزء كبير من كلامك .. شكرا
Delete