أريد رجلاً ..

#أريد_رجلاً بعد متابعة 60 حلقة و كنت بشوف بال 5 حلقات ف اليوم عشان انجز،  وصلت لفكرة كدة هنجيلها اكيد.

أمينة: البنت الدلوعة وحيدة بابا و ماما اللي دايماً اللي عايزاة بتعمله،  شخصيتها قوية و واثقة ف نفسها جداً 

سليم: شخصيتة قوية و راجل بمعني الكلمة اللي نقدر نقول مبقاش موجود زية دلوقتي،  الشخصية اللي بتحسس اللي قدامها بالامان و دايماً واخد باله من كل اللي حواليه حتى لو ع حساب نفسه.

بدون الدخول ف التفاصيل،  أمينة بتحب سليم اوي و نفسها تفرحه ف شافت مامته هتموت ع ولد بمفهوم اهل الصعيد الضهر و السند ف خلفت مرتين و جابت بنتين و لسبب مرضي مش هتقدر تخلف تاني قبل 5 سنين، يظهر ف الكادر ام سليم الست يامنة اللي مستعجلة ع الوتد و الضهر و السند ف تبدأ ف مسلسل الزن ع ولدها سليم عشان يتجوز ع أمينة و بتقع و سليم ف الاخر يسمع كلام امه عشان خايف عليها، تمر الأيام و تعرف أمينة ان سليم اتجوز عليها بتقلب عليه الدنيا و هنا بقي تيجي اكتر مسلسل خلاني مش عارفة اكون ف صف مين !!!

الأستاذة أمينة حبت تنتقم راحت مقطعة لبسها كله بالمقص و اتهبلت شويتين كده و قالت هرفع قضية طلاق و من اسبابها انها عايزة تخلف ولد عشان جوزها خلفتة بنات :D

طبعاَ دي اسباب اي كلام و الدعوة هتترفض بس زي ما بيقولوا الصيت ولا الغني .. المهم الجاحدة عملت ايه بعتتله اعلان الطلاق ع شغلة ف النيابة , وكيل النيابة الكبير اللي بينادي بالحق و العدل فضحته ف شغله و كدة هيا انتقمت منه "الأول" و سليم استقال من شغله عشان حس انه ظلم حد و هو رجل العدل و الحق.

الجاحدة حبت تنتقم من أم سليم "يامنة" عملت ايه طلعت ف التلفزيون ف حلقة مع واحدة طالعة ف المسلسل بتكره سليم و شايفة انه دمر حياتها مع جوزها ف كدة الفضيحة بقت ع عينك يا تاجر.

نيجي بقي لمشهد المحكمة اللي انا شخصيا انبسطت بيه , سليم بقي محامي و اترافع عن نفسه و قال ان بيحب أمينة و هيفضل بيحبها مهما عملت و كدة و راح مديها ع قفاها و قالها ان مراته التانية حامل ف ولد ف كده دعوتها باطلة ليس لها أساس من الصحة.

الأستاذة امينة افتكرت سليم هيرجعلها كدة عشان هو قال انه بيحبها بس سليم كان اخد قراره خلاص انه هيبعد عشان مش هيعرف يكون معاها و مع انه برده صعب عليه يبقي بعيد و بيخلص المسلسل :)

المهم يعني ان المسلسل حلو اتفرجوا عليه :D في شوية مشاهد ممحونة بس حلو بردة هتنبسطوا :)