مسلسل ريفو

 من كام يوم كده شوفت مسلسل ريفو 

المسلسل بطولة جماعيه: ركين سعد و امير عيد و تامر هشام و صدقي صخر 

المسلسل بيحكي قصة باند كان مشهور ف التسعينات و بيعرض كده اللي الشباب دول عملوه عشان يقدروا يوصلوا و في النص كده بيتسرسب جواك حنين للفترة دي و تحس انك جزء من الشلة دي.

بتشوف قصة مروان و انه شخص انطوائي اول مره يحس انه جزء من حاجه و اما اللي بيربط الشلة دي بيروح ، قد ايه بيكون تأثيره كبير و الشلة بتدمر و كل واحد بيروح في حته.

يمكن اتأثرت كمان بحدوته شادي او امير عيد و قد ايه كان نفسه يعمل حاجة و يغير ف المزيكا و تجميعته للشباب و تأثيره عليهم و حدوته مامته و انها مش فاكراه و كويس انهم متكلموش كتير فيها للتشابه مع قصة امير الحقيقة.

المسلسل بجد حلو اوي و اثر فيا جدًا ، ده رجعني اكتب بعد سنين ضوئيه تفاهاتي يعني 😅